രാജ്പഥ് മായും; കർത്തവ്യപഥ് തെളിയും

വ്യാപക വിമർശനങ്ങൾ വകവെക്കാതെ 20 മാസം അടച്ചിട്ട ഈ ഭാഗം വെള്ളിയാഴ്ച പൊതുജനങ്ങൾക്കായി തുറക്കും

ന്യൂഡൽഹി: രാഷ്ട്രപതി ഭവനിൽ നിന്ന് ഇന്ത്യ ഗേറ്റിലേക്ക് നീളുന്ന റോഡിന്റെ പേര് മാറ്റാനുള്ള നിർദേശം ന്യൂഡൽഹി മുനിസിപ്പൽ കോർപറേഷൻ അംഗീകരിച്ചു. രാജ്പഥ് ഇനി കർത്തവ്യപഥ് ആയിരിക്കും. കേന്ദ്രമന്ത്രി മീനാക്ഷി ലേഖിയുടെ അധ്യക്ഷതയിൽ നടന്ന കോർപറേഷന്റെ പ്രത്യേക യോഗമാണ് നഗരവികസന മന്ത്രാലയത്തിന്റെ നിർദേശം ഔപചാരികമായി അംഗീകരിച്ചത്. കോർപറേഷനിലെ മറ്റൊരംഗമായ ഡൽഹി മുഖ്യമന്ത്രി അരവിന്ദ് കെജ്രിവാൾ പങ്കെടുത്തില്ല.