കണ്ണ് നനയിപ്പിച്ച് അനന്തുവും സുജാതയും ജീവന്റെ ബാക്കിയായ കൈകളിൽ തൊട്ട് അവർ വിതുമ്പി

കൈമാറ്റിവെക്കൽ ശസ്ത്രക്രിയ നടന്ന അമൃത ആശുപത്രിയിലായിരുന്നു വികാരനിർഭര നിമിഷങ്ങൾ

കൊച്ചി: അനന്തു ശിവപ്രസാദ് ആ കൈകളിൽ ഒരിക്കൽ കൂടി തൊട്ടു ചുംബിച്ചു. ആ കാഴ്ചയിൽ കണ്ണ് നനയാത്ത ആരുമുണ്ടായിരുന്നില്ല അവിടെ തൊട്ടടുത്ത്, ഭർത്താവ് വിനോദിന്റെ കൈയിൽ ഭാര്യ സുജാത ചുംബിക്കുമ്പോൾ സങ്കടമടക്കാനാകാതെ അവരും വിങ്ങിപ്പൊട്ടി.

വാഹനാപകടത്തിൽ പരിക്കേറ്റ് മരിച്ച ആലപ്പുഴ സ്വദേശി അമ്പിളി (39), ബൈപകടത്തിൽ മരിച്ച കൊല്ലം സ്വദേശി വിനോദ് എന്നിവരുടെ കൈകൾ മറ്റ് രണ്ടുപേരിൽ തുടിക്കുന്ന വികാര നിർഭര നിമിഷങ്ങൾക്ക് ഉറ്റവർ സാക്ഷ്യം വഹിക്കുകയായിരുന്നു കൊച്ചി അമൃത ആശുപത്രിയിൽ.