കാപികോ റിസോർട്ട് പൊളിക്കൽ തുടങ്ങി

നേതൃത്വം നൽകി ജില്ല കലക്ടർ; ആറുമാസം കൊണ്ട് തീർക്കാൻ ശ്രമം

ആലപ്പുഴ: തീരദേശനിയമം ലംഘിച്ച് പണിത പാണാവള്ളി നെടിയ തുരുത്തിലെ കാപികോ റിസോർട്ട് പൊളിച്ചു തുടങ്ങി. സുപ്രീകോടതി നിർദേശപ്രകാരം നടക്കുന്ന പൊളിക്കൽ ഘട്ടം ഘട്ടമായി നടപ്പാക്കാനാണ് തീരുമാനം. ആദ്യം രണ്ടു വില്ലകളാണ് പൊളിക്കുന്നത്.

റിസോർട്ട് പൊളിക്കൽ നടപടികൾ വ്യാഴാഴ്ച രാവിലെ 10.47നാണ് ആരംഭിച്ചത്. ജില്ല കലക്ടർ വി.ആ ർ. കൃഷ്ണതേജയുടെ മേൽനോട്ടത്തിൽ നടത്തിപ്പുകാരാണ് പൊളിക്കുന്നത്. മണ്ണുമാന്തി ഉപയോഗിച്ച് തച്ചുടക്കുകയാണ് ചെയ്യുന്നത്. പൊളിക്കൽ ആറുമാസംകൊണ്ട് പൂർത്തിയാക്കാനാണ് നീക്കം.