പ്രത്യേക ടൂർ പാക്കേജുമായി കർണാടക ആർ.ടി.സി

മൈസൂരു ദസറ

ബംഗളുരു: മൈസൂരു ദസറയോടനുബന്ധിച്ച് കർണാടക ആർ.ടി.സി പ്രത്യേക ടൂർ പാക്കേജ് സൗകര്യം ഏർപ്പെടുത്തുന്നു.

നിലവിലുള്ള കർണാടക സരിഗെ (എക്സ്പ്രസ്), രാജഹംസ കൂടാതെ, സ്ലീപ്പർ, ഐരാവത്, ഐരാവത് ക്ലബ് ക്ലാസ് (മൾട്ടി ആക്സിൽ), അംബാരി ഡ്രീം ക്ലാസ് ബസുകളാണ് ഇതിനായി സർവിസ് നടത്തുക.

ദസറ ഫെസ്റ്റിവലിൽ പങ്കെടുക്കാൻ സൗകര്യമൊരുക്കുകയും മറ്റ് വിനോദസഞ്ചാര കേന്ദ്രങ്ങൾ സന്ദർശിക്കാൻ അവസരമൊരുക്കുകയുമാണ്. എല്ലാ ബസുകളും മൈസൂരിൽനിന്ന് രാവിലെയാണ് പുറപ്പെടുക. വിവിധ സ്ഥലങ്ങൾ സന്ദർശിച്ച ശേഷം വൈകുന്നേരം മൈസൂരുവിലേക്ക് തന്നെ മടങ്ങും.