നോൺ വുവൺ പ്ലാസ്റ്റിക് കാരിബാഗ് വിലക്ക് ഹൈകോടതി റദ്ദാക്കി

ഒറ്റത്തവണ ഉപയോഗത്തിനുള്ള പ്ലാസ്റ്റിക്കിന്റെ പട്ടികയിൽ പെടുത്തി നോൺ വൂവൺ ബാഗുകളും നിരോധിച്ച സർക്കാർ നടപടി ചോദ്യം ചെയ്ത ഹരജികളിലാണ് വിധി

കൊച്ചി: 'നോൺ വൂവൺ വിഭാഗത്തിലുള്ള പ്ലാസ്റ്റിക് കാരി ബാഗുകൾക്ക് വിലക്കേർപ്പെടുത്തിയ സംസ്ഥാന സർക്കാർ ഉത്തരവുകൾ ഹൈകോടതി റദ്ദാക്കി. പ്ലാസ്റ്റിക് നിരോധനത്തിന്റെ ഭാഗമായി ഗുരുതര മലിനീകരണ പ്രശ്നങ്ങളുണ്ടാക്കുന്ന ഒറ്റത്തവണ ഉപയോഗത്തിനുള്ള പ്ലാസ്റ്റിക്കിന്റെ പട്ടികയിൽ പെടുത്തി നോൺ വൂവൺ കാരി ബാഗുകൾ നിരോധിച്ച സർക്കാർ ഉത്തരവുകൾ ചോദ്യം ചെയ്ത് പെരുമ്പാവൂർ സ്വദേശി നിബു കാസിം അടക്കം നിർമാതാക്കൾ നൽകിയ ഹരജി കളിലാണ് ജസ്റ്റിസ് എൻ. നഗരേഷിന്റെ വിധി. സംസ്ഥാന മലിനീകരണ നിയന്ത്രണ ബോർഡ് പുറപ്പെടുവിച്ച സർക്കുലറും ഹരജിയിൽ ചോദ്യം ചെയ്തിരുന്നു.