ഓർക്കാപ്പുറത്തെ ദുരന്തം

 നിർമാണത്തിനിടെ മെട്രോ തൂൺ തകർന്ന് അമ്മയും കുഞ്ഞും മരിച്ചു അപകടം രാവിലെ 11ഓടെ എച്ച്.ബി.ആർ ലേഔട്ടിന് സമീപം; ഭർത്താവിനും മകൾക്കും പരിക്ക്

ബംഗളുരു: നമ്മ മെട്രോ നിർമാണ പ്രവൃത്തിക്കിടെ തൂൺ തകർന്ന് ഇരുചക്രവാഹന യാത്രികരായ അമ്മയും രണ്ടു വയസ്സുകാരനായ മകനും മരിച്ചു. ഭർത്താവിനും മകൾക്കും പരിക്കേറ്റു. ഇരട്ടക്കുട്ടികളുടെ മാതാവും മാന്യത ടെക് പാർക്കിലെ ജീവനക്കാരിയുമായ തേജസ്വിനി (35), മകൻ വിഹാൻ (രണ്ട്) എന്നിവരാണ് മരിച്ചത്. ഭർത്താവ് ലോഹിത് കുമാർ, ഇരട്ട മക്കളിലൊരാളായ പെൺകുട്ടി എന്നിവർ ചികിത്സയിലാണ്. ഇവർ അപകട നില തരണം ചെയ്തിട്ടുണ്ട്.