ജറുസലമിൽ വെടിവെപ്പ്; ഏഴ് ഇസ്രായേലികൾ കൊല്ലപ്പെട്ടു

മറ്റൊരു സംഭവത്തിൽ രണ്ട് ഇസ്രായേലികൾക്ക് വെടിയേറ്റു കഴിഞ്ഞദിവസം ഇസ്രായേൽ ഒമ്പത് ഫലസ്തീനികളെ വധിച്ചിരുന്നു

ജറുസലം: കിഴക്കൻ ജറൂസലമിലെ ജൂത സിനഗോഗിനു സമീപം വെടിവെപ്പിൽ ഏഴുപേർ കൊല്ലപ്പെട്ടു. മൂന്നുപേർക്ക് പരിക്കേറ്റതായും ഇസ്രായേൽ സൈന്യം അറിയിച്ചു. കിഴക്കൻ ജറൂസലമിൽ താമസിക്കുന്ന 21കാരനായ ഫലസ്തീനിയാണ് വെടിയുതിർത്തതെന്ന് ഇസ്രായേൽ പൊലീസ് മേധാവി യാക്കോവ് ഷബായ് പറഞ്ഞു. ഫലസ്തീനിൽ നിന്ന് 1967ൽ ഇസ്രായേൽ പിടിച്ചടക്കിയ കിഴക്കൻ ജറുസലം നഗരത്തിൽ വെള്ളിയാഴ്ച രാത്രിയായിരുന്നു ആക്രമണം. അക്രമിയെ സൈന്യം കൊലപ്പെടുത്തി.