റഷ്യക്കെതിരെ കൂടുതൽ ഉപരോധവുമായി ജി7

അന്താരാഷ്ട്രീയം

ഹിരോഷിമ: യുക്രെയ്നിൽ അധിനിവേശം നടത്തിയ റഷ്യക്കെതിരെ കൂടുതൽ ശക്തമായ ഉപരോധം ഏർപ്പെടുത്താൻ ലോകത്തെ സമ്പന്ന രാജ്യങ്ങളുടെ കൂട്ടായ്മയായ ജി7 തീരുമാനിച്ചു. യുക്രെയ്ന് കൂടുതൽ സാമ്പത്തികസഹായം നൽകുമെന്നും കൂട്ടായ്മ പ്രഖ്യാപിച്ചു. ജപ്പാനിലെ ഹിരോഷിമയിൽ വെള്ളിയാഴ്ച ആരംഭിച്ച ജി7 ഉച്ച കോടിയിൽ യുക്രെയ്ൻ പ്രസിഡന്റ് വൊളോദിമിർ സെലൻസ്കിയും പങ്കെടുക്കും. ഞായറാഴ്ച വരെ നീളുന്ന ഉച്ചകോടിയിൽ ചൈനയുമായുള്ള സംഘർഷവും ചർച്ച ചെയ്യുമെന്നാണ് കരുതുന്നത്.