പൂർണരൂപം വേണം

ഹേമ കമ്മിറ്റി റിപ്പോർട്ടിൽ ഇടപെട്ട് ഹൈകോടതി

കുറ്റകൃത്യം വെളിപ്പെടുകയും ബോധ്യപ്പെടുകയും ചെയ്താൽ ചില വ്യവസ്ഥകൾ ഉണ്ടല്ലോയെന്ന് സർക്കാറിനോട് കോടതി കൊച്ചി: ഹേമ കമ്മിറ്റി റിപ്പോർട്ടിന്റെ പൂർണരൂപം മുദ്രവെച്ച കവറിൽ സമർപ്പിക്കണമെന്ന് സർക്കാറിനോട് ഹൈകോടതി. റിപ്പോർട്ടിൽ സ്വീകരിക്കുന്ന നടപടി വ്യക്തമാക്കി സത്യവാങ്മൂലം സമർപ്പിക്കണമെന്നും ആക്ടിങ് ചീഫ് ജസ്റ്റിസ് എ. മുഹമ്മദ് മുഷ്താഖ്, ജസ്റ്റിസ് എസ്. മനു എന്നിവരടങ്ങുന്ന ഡിവിഷൻ ബെഞ്ച് നിർദേശിച്ചു. വിഷയം സെപ്റ്റംബർ 10ന് വീണ്ടും പരിഗണിക്കാൻ മാറ്റി. ഹേമ കമ്മിറ്റി റിപ്പോർട്ടിന്റെ അടിസ്ഥാനത്തിൽ കേസെടുക്കണമെന്നാവശ്യപ്പെട്ട് പൊതുപ്രവർത്തകൻ പായിച്ചിറ നവാസ് നൽകിയ ഹരജിയാണ് കോടതി പരിഗണിച്ചത്.