പ്രധാനമന്ത്രിയെ കണ്ട് മുഖ്യമന്ത്രി

കേരളത്തിന്റെ ആവശ്യങ്ങൾ അടങ്ങുന്ന നിവേദനം സമർപ്പിച്ചു

- ഹസനുൽ ബന്ന

ന്യൂഡൽഹി: കേരള മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. മൂന്നാമൂഴം അധികാരത്തിലേറിയശേഷം നരേന്ദ്ര മോദിയെ ആദ്യമായി കണ്ട മുഖ്യമന്ത്രി തുടർവിജയത്തിൽ അഭിനന്ദിക്കുകയും ഉപഹാരം സമർപ്പിക്കുകയും ചെയ്തു. പ്രധാനമന്ത്രിയുടെ ഔദ്യോഗിക വസതിയിൽ നടന്ന അരമണിക്കൂർ നീണ്ട കൂടിക്കാഴ്ചയിൽ കേരളത്തിന്റെ വിവിധ ആവശ്യങ്ങൾ അടങ്ങുന്ന നിവേദനം മുഖ്യമന്ത്രി സമർപ്പിച്ചു. എന്നാൽ, പതിവിൽനിന്ന് വ്യത്യസ്തമായി മോദിയുമായി നടത്തിയ സംഭാഷണത്തിന്റെയോ സമർപ്പിച്ച നിവേദനത്തിന്റെയോ വിശദാംശങ്ങൾ വെളിപ്പെടുത്താൻ തയാറാകാതെയാണ് മുഖ്യമന്ത്രി ചൊവ്വാഴ്ച ഉച്ചയോടെ കേരളത്തിലേക്ക് മടങ്ങിയത്.