ബ്ലാസ്റ്റേഴ്സിന് ഇന്ന് ചെന്നൈ ടെസ്റ്റ്..

ഐ.എസ്.എല്ലിൽ കേരള ബ്ലാസ്റ്റേഴ്സും ചെന്നൈയിൻ എഫ്.സിയും കൊച്ചിയിൽ ഏറ്റുമുട്ടും

നഹീമ പൂന്തോട്ടത്തിൽ കൊച്ചി: ഒന്നും രണ്ടുമല്ല, തുടർച്ചയായ മൂന്ന് പരാജയങ്ങൾ. ഇതിന്റെയെല്ലാം ക്ഷീണം തീർക്കാൻ വിജയത്തിൽ കുറഞ്ഞതൊന്നും വേണ്ടെന്നുറപ്പിച്ച് വീണ്ടും കേരള ബ്ലാസ്റ്റേഴ്സ് ഇന്നിറങ്ങുകയാണ്. ഐ.എസ്.എൽ സീസണിൽ കരുത്തരായ ചെന്നൈയിൻ എഫ്.സിയുമായി ബ്ലാസ്റ്റേഴ്സിന്റെ സ്വന്തം ഹോം ഗ്രൗണ്ടായ കലൂർ സ്റ്റേഡിയത്തിൽ ഞായറാഴ്ച വൈകീട്ട് 7.30ന് അങ്കം കുറിക്കും. മൂന്ന് തോൽവിക്കുശേഷം ഈ മത്സരത്തിലും തോൽവി തന്നെയാണ് ഫലമെങ്കിൽ ഈ സീസണിലും മുന്നോട്ടുള്ള യാത്രയിൽ മഞ്ഞപ്പടക്ക് കൂടുതൽ വിയർക്കേണ്ടി വരുമെന്ന് ഉറപ്പ്.