ആദ്യം പറന്നെത്തി ഇവ' താരമായി

വിദേശത്തു നിന്ന് വളർത്തുമൃഗങ്ങളെ കൊണ്ടു വരാനും കൊണ്ടുപോകാനുമുള്ള സൗകര്യങ്ങൾ ലഭ്യമാകുന്നതിന് എയർലൈനുകളെയോ കാർഗോ ഹാൻഡ്ലിങ് ഏജൻസികളെയോ ആണ് ആദ്യം ബന്ധപ്പെടേണ്ടത്

നെടുമ്പാശ്ശേരി സങ്കരയിനത്തിൽപെട്ട ഒരുവയസ്സുകാരി 'ഇവ' എന്ന വെളുത്ത പൂച്ചക്കുട്ടി വ്യാഴാഴ്ച കൊച്ചി വിമാനത്താവളം വഴി പറന്നിറങ്ങിയത് ചരിത്രത്തിലേക്ക് കൂടിയാണ്. വിദേശത്തുനിന്ന് ഓമനമൃഗങ്ങളെ കൊണ്ടുവരാനുള്ള സർട്ടിഫിക്കേഷൻ കഴിഞ്ഞ വർഷം ഒക്ടോബറിൽ ലഭിച്ചശേഷം ആദ്യമായാണ് ഒരു മൃഗം കൊച്ചി വിമാനത്താവളത്തിൽ എത്തുന്നത്. രാവിലെ 10.17ന് എയർ ഇന്ത്യയുടെ എ.ഐ 954 വിമാനത്തിൽ ദോഹയിൽ നിന്നാണ് തൃശൂർ ചേലക്കര സ്വദേശിയായ കെ.എ.രാമചന്ദ്രന്റെ ഓമനയായ 'ഇവ കൊച്ചിയിലെത്തിയത്.