നാട് കാത്തിരുന്നു; കാട് കാത്തു

വനത്തിൽ കാണാതായ മൂന്ന് സ്ത്രീകളെ 15 മണിക്കൂർ നീണ്ട തിരച്ചിലിനൊടുവിൽ കണ്ടെത്തി

കോതമംഗലം: കുട്ടമ്പുഴ വനമേഖലയിൽ കാണാതായ മൂന്ന് സ്ത്രീകളെ 15 മണിക്കൂർ നീണ്ട തിരച്ചിലിനൊടുവിൽ കണ്ടെത്തി. അട്ടിക്കളത്തുനിന്ന് വ്യാഴാഴ്ച വൈകീട്ട് മൂന്നോടെ പശുവിനെ തിരഞ്ഞ് പോയ പുത്തൻപുര ഡാർളി സ്റ്റീഫൻ, മാളികേക്കുടി മായാ ജയൻ, ബന്ധു കാവും കുടി പാറുക്കുട്ടി കുഞ്ഞുമോൻ എന്നിവരെയാണ് വെള്ളിയാഴ്ച രാവിലെ ഏഴോടെ കാട്ടിനുള്ളിൽ ആറ് കിലോമീറ്റർ അകലെ അറക്കമുത്തി ഭാഗത്ത് കണ്ടെത്തിയത്.