அந்தரத்தில் நீர்ப்பாய்ச்சும் அரசை விட்டுப்போன எடப்பாடிக்கு, நிர்வாக நடைமுறைகள் எப்படி தெரியும்? - அமைச்சர் துரைமுருகன் கண்டனம்!

அந்தரத்தில் நீர்ப்பாய்ச்சும் அரசாங்கம் நடத்தி விட்டுப் போன எடப்பாடிக்கு நிர்வாக நடைமுறைகள் எப்படி தெரியும் என்று அமைச்சர் துரைமுருகன் கண்டனம் தெரிவித்துள்ளார்.

எதிர்க்கட்சித் தலைவர் எடப்பாடி கே. பழனிசாமி வெளியிட்ட அறிக்கைக்கு நீர்வளத் துறை அமைச்சர் துரைமுருகன் விடுத்துள்ள பதில் அறிக்கை வருமாறு:

எதிர்க்கட்சித் தலைவர் எடப்பாடி கே. பழனிசாமி முதலமைச்சராக இருந்த போதும், எதிர்க்கட்சித்தலைவராக சட்டசபையில் அமர்ந்திருந்தபோதும் நிதானத்தோடுதான் நடந்து  கொண்டிருந்தார்.

அவருடைய கட்சியில் ஏற்பட்ட பிளவின் காரணமாக மெத்தவும் தடுமாறி போயிருக்கிறார், நிதானம் தவறியிருக்கிறார் என்பது அவர் வெளியிட்ட நேற்றைய அறிக்கையின் மூலம் தெரிகிறது.