ஸ்ரீநகரில் கோலாகல விழா: காஷ்மீர் முதலமைச்சராக உமர் அப்துல்லா பதவியேற்பு!

ராகுல், கனிமொழி பங்கேற்பு!!

ஜம்மு-காஷ்மீர் யூனியன் பிரதேசத்தின் முதலாவது முதலமைச்சராக உமர் அப்துல்லா இன்று காலை பதவியேற்றார்.

ஸ்ரீநகரில் உள்ள ஷெர்இ காஷ்மீர் சர்வதேச மாநாட்டு அரங்கில் வெகுசிறப்பாக நடை பெற்ற விழாவில் பரூக் அப்துல்லா, ராகுல், அகிலேஷ் யாதவ், சுப்ரியா சுலே, கனிமொழி, டி.ராஜா உள்ளிட்டோர் பங் கேற்றனர்.

ஜம்மு - காஷ்மீருக்கு சிறப்பு அந்தஸ்து வழங்கிய 370-ஆவது சட்டப்பிரிவை கடந்த 2019-ஆம் ஆண்டு ஆகஸ்ட்மாதம் மத்திய அரசு நீக்கியது. சட்டப்பேரவையு டன்கூடிய யூனியன் பிரதேச மாகஜம்மு-காஷ்மீரும், சட்டசபையற்ற யூனியன் பிரதேசமாக லடாக்கும் தரம் தாழ்த்தப்பட்டன.

இந்நிலையில், ஜம்முகாஷ்மீரில் 3 கட்டமாக சட் டப்பேரவைத் தேர்தல் நடத்தப்பட்டது. இதில் தேசிய மாநாட்டுக்கட்சி - காங்கிரஸ் கூட்டணி வெற்றி பெற்றது. தேசிய மாநாட்டுக்கட்சி 42 இடங்களிலும், காங்கிரஸ் 6 இடங்களிலும் வெற்றி பெற்றன. இக்கூட்டணியில் இடம்பெற்றுள்ள மார்க்சிஸ்ட் கட்சி ஓரிடத்தில் வாகை சூடியது.

பா.ஜ.க.29 இடங்களிலும், மெகபூபாவின் மக்கள் ஜனநாயகக் கட்சி 3 இடங்களிலும் வெற்றி பெற்றன.