ஓட்டுநர் உரிமம் புதுப்பிக்க ரூ. 2ஆயிரம் லஞ்சம்: பூந்தமல்லி போக்குவரத்து அதிகாரிக்கு 3 ஆண்டு கடுங்காவல் தண்டனை!

ஓட்டுநர் உரிமம் புதுப்பிக்க ரூ.2 ஆயிரம் லஞ்சம் வாங்கிய பூந்தமல்லி வட்டார போக்குவரத்து அலுவலக கண்காணிப்பாளர் உட்பட இரண்டு பேருக்கு தலா மூன்று ஆண்டுகள் கடுங்காவல் தண்டனை விதித்து திருவள்ளூர் நீதிமன்றம் தீர்ப்பளித்துள்ளது.

திருவள்ளூர் மாவட்டம், ஆவடி காமராஜர் நகரைச் சேர்ந்தவர் முரளி. இவர் தனது ஓட்டுநர் உரிமத்தை வட்டாரத்தில் புதுப்பிக்க பூந்தமல்லி போக்குவரத்து அலுவலகத்தில் (தெற்கு) விண்ணப்பம் கொடுத்திருந்தார்.

அப்போது பணியில் இருந்த கண்காணிப்பாளர் கணபதி என்பவர் மற்றும் தனிநபர் பாலாஜி ஆகியோர் ரூ.2 ஆயிரம் லஞ்சம் கேட்டுள்ளனர். ஆனால் லஞ்சம் தர மறுத்த முரளி இதுதொடர்பாக லஞ்ச ஒழிப்புத்துறையிடம் புகார் அளித்திருந்தார்.