சென்னையில் முழுவதும் தொடர்மரை: காற்றழுத்த தாழ்வு நிலையால் தமிழகத்தில் இன்றுமுதல் 6 நாட்கள் கனமழை!

இந்திய வானிலை மையம் எச்சரிக்கை!

வங்கக் கடலில் புதிய காற்றழுத்தத் தாழ்வு நிலை உருவாகியுள்ள நிலையில், தமிழகத்தில் அடுத்த 6 நாட்களுக்கு இடியுடன் கூடிய கன மழை கொட்டித் தீர்க்கும் என்று வானிலை ஆய்வு மையம் எச்சரிக்கை விடுத்துள்ளது. இந்நிலையில் நேற்றிரவு தொடங்கி சென்னையில் தொடர் மழை பெய்து வருகிறது. இன்று சென்னை, திருவள்ளூர், காஞ்சிபுரம், செங்கல்பட்டு உள்ளிட்ட நான்கு மாவட்டங்களில் கனமழைக்கு வாய்ப்பு இருப்பதாக வானிலை ஆய்வு மையம் கூறியுள்ளது. அதே போல, அடுத்த 6 நாட்களுக்கு தமிழகத்தில் கடலோர மாவட்டங்கள் உள்பட பல பகுதிகளில் பரவலாக மழை இருக்கும் என்று கூறப்பட்டுள்ளது.

வடகிழக்கு பருவமழை கீவிரமடைந்து வருவதால், தமிழகத்தில் பல்வேறு மாவட்டங்களில் தொடர்ந்து மழை பெய்து வருகிறது. பொதுவாக வடகிழக்கு பருவமழை அக்டோபர் 20ஆம் தேதி தொடங்கும். ஆனால் இந்த ஆண்டு அக்டோபர் 16ஆம் தேதி முன் கூட்டியே தொடங்கிவிட்டது. கடந்த மாதம் சென்னை மற்றும் சுற்றுவட்டார மாவட்டங்களில் மிகமிக பலத்த மழை பெய்தது.