அரியலூர், பெரம்பலூர் மாவட்டங்களில் ஆய்வு: ஜெயங்கொண்டம் அருகே ரூ.1,000 கோடியில் காலணி உற்பத்தி ஆலை!

முதலமைச்சர் ஸ்டாலின் அடிக்கல் நாட்டினார்; 21,800 பேருக்கு நலத்திட்ட உதவிகள்!!!

முதலமைச்சர் மு.க.ஸ்டாலின் இன்று அரியலூர், பெரம்பலூர் மாவட்டங்களுக்கு நேரடி கள ஆய்விற்காக சென்றார். 2 மாவட்டங்களிலும் சேர்த்து மொத்தம் 21,800-க்கும் மேற்பட்டோருக்கு நலத்திட்ட உதவிகளை வழங்கும் பணியைத் தொடங்கி வைத்தார். பல திட்டங்களுக்கு அடிக்கல் நாட்டினார்.

சில திட்டங்களைத் தொடங்கி வைத்தார். அரியலூர் மாவட்டம் ஜெயங்கொண்டம் அருகே ரூ.1000 கோடியில் காலணி உற்பத்தி ஆலை கட்டும் தொழிற்சாலைக்கு அடிக்கல் நாட்டினார். இந்த ஆலையின் மூலம் சுமார் 15 ஆயிரம் பேருக்கு வேலை கிடைக்கும்.

தமிழ்நாடு முதலமைச்சர் ஸ்டாலின் தமிழ்நாட்டின் முதலமைச்சராக பொறுப்பேற்ற நாள் முதல்தமிழ்நாடு மக்களின் முன்னேற்றத்திற்காக பல்வேறு சிறப்பான திட்டங்களை தொடர்ந்து செயல்படுத்தி வருகிறார்கள். அதன் அடிப்படையில், தமிழ்நாட்டின் பல்வேறு மாவட்டங்களுக்கு நேரடியாகச் சென்று அரசுத் திட்டப்பணிகள் குறித்து கள ஆய்வு மேற்கொள்வதுடன், பல்வேறு துறைகளின் சார்பில் பயனாளிகளுக்கு அரசு நலத்திட்ட உதவிகள் வழங்கி வருகிறார்.

அரியலூர், பெரம்பலூர் மாவட்டங்களில் இன்று கள ஆய்வை மேற்கொண்ட முதலமைச்சர் ஸ்டாலின் பல்வேறு அரசு நிகழ்ச்சிகளில் பங்கேற்று நலத்திட்ட உதவிகளையும், முடிவுற்ற திட்டங்களையும், புதிய திட்டங்களுக்கு அடிக்கல் நாட்டினார்.