அரசியலமைப்பு சட்டம் குறித்து ராஜ்ய சபையில் விவாதம்: நேரு, இந்திராகாந்தி மீது நிர்மலா சீதாராமன் பாய்ச்சல்!

ஜனநாயகத்தை வலுப்படுத்துவதற்கு பதிலாக தங்களது அதிகாரத்தை வலுப்படுத்தவே சட்டத்தை திருத்தினர்!!

ஜவஹர்லால் நேருவும், இந்திரா காந்தியும் ஜனநாயகத்தை வலுப்படுத்துவதற்கு பதிலாக தங்களது அதிகாரத்தை வலுப்படுத்தவே அரசியலமைப்பு சட்டத்தை திருத்தியதாக மத்திய அமைச்சர் நிர்மலா சீதாராமன் காட்டமாக தெரிவித்தார்.

இந்திய அரசியலமைப்பு சட்டம் 1950-ஆம் ஆண்டு ஏற்றுக்கொள்ளப்பட்டது.

இப்போது 75 ஆண்டுகள் ஆகிவிட்டன. இதை முன்னிட்டு அரசியலமைப்பு சட்டம் குறித்து விவாதிக்கப்பட வேண்டும் என எதிர்க்கட்சிகள் கோரிக்கை விடுத்தன.

அதை மத்திய அரசு ஏற்றுக் கொண்டது. அதன்படி கடந்த வியாழன் மற்றும் வெள்ளி ஆகிய இருநாட்கள் மக்களவையில் விவாதம் நடந்தது. தொடக்க நாட்களில் அரசு மீது பிரியங்கா, ராகுல் உள்ளிட்ட தலைவர்கள் அரசு மீது கடுமையாக சாடினார்கள். வெள்ளிக்கிழமை அன்று பிரதமர் மோடி பதில் உரை நிகழ்த்தினார்.அப்போது முதலாவது பிரதமர் ஜவஹர்லால் நேரு, இந்திராகாந்தி ஆகியோரை மிகக்கடுமையாக விமர்சித்தார். இருவருமே தங்கள் நலன்களுக்காகவே அரசியலமைப்பு சட்டத்தை திருத்தியதாக குறிப்பிட்டார்.