உலகப்புகழ் பெற்ற தபேலா இசை மேதை ஜாகீர் உசேன் காலமானார்!

தலைவர்கள், பிரபலங்கள் இரங்கல!!

இந்தியாவைச் சேர்ந்த உலகப் புகழ் பெற்ற தபேலா இசைக் கலைஞர் ஜாகீர் உசேன் தனது 73 வயதில் இன்று காலமானார்.

உடல்நலக்குறைவால் அமெரிக்காவில் உள்ள சான் பிரான்சிஸ்கோ மருத்துவமனையில் அவர் அனுமதிக்கப்பட்டிருந்த நிலையில் சிகிச்சை பலனின்றி உயிரிழந்தார். அவரது மரணத்தை குடும்பத்தினர் உறுதி செய்துள்ளனர். இசை மேதை ஜாகீர் உசேன் மறைவுக்கு அரசியல்தலைவர்கள், பிரபலங்கள், இசைரசிகர்கள் உள்ளிட்ட பலரும் இரங்கல் தெரிவித்து வருகின்றனர்.

தபேலா இசைக் கருவி மூலம் தனித்துவமான இசை எழுப்பி உலகளவில் கோடிக்கணக்கான இதயங்களை மகிழ்வித்தவர் ஜாகீர் உசேன் (வயது 73) இந்தியாவின்பெருமைமிகு அடையாதவைகளாகவும் திகழ்ந்து வந்தார்.

ஜாகீர் உசேன் குடும்பமே தபேலா இசைக் கருவியை இசைப்பதில் தலைசிறந்தவர்கள் களாக இருந்துள்ளனர். இவரது தந்தை, அல்லா ரக்கா தபேலா ஜாம்பவானாக திகழ்ந்தார். கடந்த 1951ஆம் ஆண்டின் மார்ச் 9ஆம் தேதியில் பிறந்த ஜாகீர் உசேன், தனது குழந்தைப்பருவத்தில் இருந்தே தபேலா இசைப்பதில் அதிக ஆர்வம் காட்டினார். இதன் மூலம் தனது 12 வயதிலேயே கச்சேரிகளில் வாசிக்கும் அளவுக்கு தனது தனித்திறனை வளர்த்துக் கொண்டார். இந்தியாவில் மட்டுமன்றி வெளிநாடுகளில் இசைக் கச்சேரிகளை நடத்து புகழ் பெற்றார். குறிப்பாக, உலகப்புகழ் பெற்ற பாப் இசைக்குழுவான தி பீட்டில்ஸ் உடன் இணைந்து இசைக் கச்சேரிகளிலும் வாசித்தார். பல மேற்கத்திய இசைக்கலைஞர்களுடன் இணைந்து இவர் நடத்திய கச்சேரிகள் உலக அளவில் புகழ் பெற்றது.