പുതിയ എൽപിജി ഗ്യാസ് കണക്ഷനുള്ള നിരക്ക് വർധിപ്പിച്ചു

നിരക്ക് വർധിപ്പിച്ചതോടെ പുതിയ കണക്ഷന് ഉപഭോക്താക്കൾ 750 രൂപ അധികം നൽകേണ്ടിവരും

ന്യൂഡൽഹി: പുതിയ എൽ പിജി ഗ്യാസ് കണക്ഷന്റെ വില വർധിപ്പിച്ചു. സാധാരണക്കാർക്ക് വലിയ തിരിച്ചടിയാണിത്. എണ്ണ വിപണന കമ്പനികൾ (OMCs) പുതിയ സിലിണ്ടറുകളുടെ സുരക്ഷ വർദ്ധിപ്പിച്ചതാണ് വില കൂടുന്നതിനുള്ള കാരണം. പുതിയ നിരക്കുകൾ 2022 ജൂൺ 16 മുതൽ പ്രാബല്യത്തിൽ വന്നു. ഉയർന്ന പെട്രോൾ, ഡീസൽ നിരക്കുകൾ ഇപ്പോൾ തന്നെ ജനങ്ങളെ വലച്ചിട്ടുണ്ട്. അതിനു പിന്നാലെയാണ് പുതിയ എൽപിജി കണക്ഷനുകൾക്കുള്ള ഈ വില വർധന.