હાઈ બ્લડપ્રેશરને ક્યારેય હળવાશથી ના લેશો

બેઠાડું જીવન, સ્થૂળતા, ભોજનમાં મીઠાનો વધુ પડતો ઉપયોગ, સતત વધતો જતો સ્ટ્રેસ, એક્સર્સાઇઝનો સદંતર અભાવ, ડાયાબિટીસ વગેરે આપણને બ્લડપ્રેશરની સમસ્યાની ભેટ આપતા હોય છે

હાઈ બ્લડપ્રેશર હાલના સમયમાં એક બહુ સામાન્ય બીમારી બની ગઈ છે અને તેનું મુખ્ય કારણ આપણી અસંતુલિત અને અયોગ્ય લાઈફસ્ટાઈલના કારણે ઊભી થતી સમસ્યાઓ છે. હાઈ બ્લડ પ્રેશરનાં દર્દીઓમાં ભયાનક ઝડપથી વધારો થઈ રહ્યો છે. હવે તો યુવાનો પણ તેની ઝપેટમાં આવી રહ્યા છે. હાઈ બ્લડપ્રેશર સમયની સાથે સતત વધતી જતી બીમારી છે.

જો સમયસર તેનાં લક્ષણોને પારખીને તેની યોગ્ય સારવાર ન કરવામાં આવે તો તે આપણાં હૃદય, કિડની, મસ્તિષ્ક અને આંખો માટે ખૂબ ઘાતક સાબિત થઈ શકે છે. સામાન્ય રીતે દર ચાર વ્યક્તિએ એક વ્યક્તિ હાઈ બ્લડપ્રેશરનો શિકાર બનતી હોવાનું સામે આવ્યું છે.