ગંદકી કરવાના મામલે ત્રણ એકમ સીલ

પ્રતિબંધિત પ્લાસ્ટિકનો ઉપયોગ કરતા કુલ ૧૦૧ એકમની ચકાસણી કરી રૂ. ૧૩ હજારનો વહીવટીચાર્જ વસૂલ્યો

અમદાવાદ, બુધવાર

મ્યુનિસિપલ કોર્પોરેશન દ્વારા શહેરમાં અવિરત સ્વચ્છતા ઝુંબેશ ચાલી રહી છે. આ ઝુંબેશ અંતર્ગત તંત્ર દ્વારા જાહેર રોડ પર ગંદકી કરનારા એકમો તેમજ પ્રતિબંધિત પ્લાસ્ટિકનો વપરાશ કરનારાઓ સામે આકરાં પગલાં લેવાઈ રહ્યાં છે. દરમિયાન પૂર્વ ઝોનમાં સોલિડ વેસ્ટ મેનેજમેન્ટ વિભાગ દ્વારા જાહેર રોડ પર ગંદકી કરવાના મામલે ત્રણ એકમને તાળાં મારી દેવાતાં આ પ્રકારે ગંદકી કરનારા ધંધાર્થીઓમાં ભારે ગફરાટ વ્યાપ્યો છે.