સેટેલાઈટ પોલીસ સ્ટેશન પાસે જ SMCનો સપાટો: રૂ. ૨.૫૯ લાખનો દારૂ ઝડપી લીધો

ટ્રાફિક સિગ્નલ બંધ હોવાથી ખેપિયો દારૂ ભરેલી કાર મૂકીને નાસી ગયોઃ સ્થાનિક પોલીસની કામગીરી પર સવાલો ઊઠ્યા

કારમાં હાઇ સિક્યોરિટી રજિસ્ટ્રેશન પ્લેટ (એચએસઆરપી) લગાવીને દારૂની ખેપ મારવાનો પર્દાફાશ વધુ એક વખત સ્ટેટ મોનિટરિંગ સેલની ટીમે કર્યો છે.

જ્યારે દિવાળી નજીક આવી રહી છે ત્યારે સ્થાનિક પોલીસના કેટલાક લાંચિયા પોલીસ કર્મચારીઓની મહેરબાનીથી બુટલેગર્સ બેફામ બન્યા છે. લાંચિયા પોલીસ કર્મચારીઓ તેમજ બુટલેગરના ઇરાદા ઉપર પાણી ફેરવી દેવા માટે સ્ટેટ મોનિટરિંગ સેલની ટીમ મેદાનમાં ઊતરી છે. શહેરમાં એક પછી એક દારૂના કેસ કરતાં સ્થાનિક પોલીસમાં ફફડાટ વ્યાપી ગયો છે. મોડી રાતે એસએમસી ની ટીમે સેટેલાઇટ જેવા પોશ દારૂનો જથ્થો વિસ્તારમાંથી ઝડપી પાડ્યો છે. એસએમસીએ સેટેલાઇટ વિસ્તારમાંથી કુલ ૨.૫૯ લાખ રૂપિયાનો દારૂ ઝડપી લીધો છે.