લંડનથી પાંચ દિવસ પહેલાં આવેલા યુવકતી અંગત મિત્રએ છરીતા ઘા ઝીંકી હત્યા કરી

યુવકે મિત્રની માતાને ગાળ બોલતાં હુમલો કરાયો મોડી રાતે છરીના ઘા ઝીંક્યા બાદ મિત્રએ ફોન પર ધમકી આપી

લંડનથી પરિવારને મળવા આવેલા યુવકની ઘાતકી હત્યા થઇ જતાં ચકચાર મચી ગઇ છે. હત્યા કરનાર કોઈ અજાણ્યો શખ્સ નહીં, પરંતુ યુવકનો અંગત મિત્ર હોવાનો પર્દાફાશ થયો છે. યુવકે મિત્રની માતાને ગાળ બોલતાં ખૂની હુમલો કર્યો હતો. બંને મિત્રો આખો દિવસ હસીખુશીથી રહ્યા હતા અને મોડી રાતે મામલો બીચક્યો હતો.

મિત્રએ યુવકને આડેધડ છરીના ઘા ઝીંકી દીધા હતા. ત્યાર બાદ ફોન પર ધમકી આપીને નાસી ગયો હતો. ઘાટલોડિયા વિસ્તારમાં આવેલી યશકુંજ સોસાયટીમાં રહેતા કરણ ઉપેન્દ્રભાઇ પટેલે શાહપુર પોલીસ સ્ટેશનમાં અજાણ્યા શખ્સ વિરુદ્ધ હત્યાની કોશિશની ફરિયાદ કરી હતી. કરણ વસ્ત્રાપુર ખાતે આવેલી મહાવીર સીસ પાવ૨ કંપનીમાં એકાઉન્ટન્ટ તરીકે નોકરી કરીને ગુજરાન ચલાવે છે. કરણ તેની પત્ની, માતા-પિતા, ભાઇ નિહાલ અને દીકરી રિહાના સાથે રહે છે.

નિહાલ છેલ્લાં ચાર વર્ષથી લંડન રહેતો હતો અને થોડા દિવસ પહેલાં અમદાવાદ આવ્યો હતો. નિહાલનાં લગ્ન વર્ષ ૨૦૨૦માં રિદ્ધિ સાથે થયાં હતાં, પરંતુ અગમ્ય કારણોસર બંને અલગ અલગ રહે છે. કરણના પિતા ઉપેન્દ્રભાઇનું શાહપુર બાઇ સેન્ટર પાસે હરિદર્શન નામથી અમૂલનું પાર્લર આવેલું છે. ઉપેન્દ્રભાઇ બીમાર હોવાથી નિહાલ છેલ્લા બે દિવસથી પાર્લર પર બેસતો હતો.