૪૮ કલાકમાં ૪૮૦ એરસ્ટ્રાઈકઃ ઈઝરાયલે અસદના સમર્થકોનાં ૮૦ ટકા સૈન્ય ઠેકાણાં તબાહ કરી દીધાં

ઈઝરાયલ સતત આક્રમક વલણ અપનાવી રહ્યું છે

સીરિયામાં તખ્તા પલટ બાદ સતત નવી ઘટનાઓ બની રહી છે. દેશનો મોટો હિસ્સો બળવાખોરોના કબજામાં છે, પરંતુ અમેરિકા ની સાથે તુર્કીએ પણ સીરિયાને લઈને પોતાની રણનીતિ પર ધ્યાન કેન્દ્રિત કર્યું છે, પરંતુ ઈઝરાયલ સતત આક્રમક વલણ અપનાવી રહ્યું છે.

સીરિયામાં બશર અલ અસદની સરકારનાં પતન બાદ હજારો સીરિયન સૈનિકો ઈરાકની સરહદમાં ઘૂસી ગયા છે. ઈરાકી સુરક્ષા દળો તેમની મેજબાની કરી રહ્યા છે. સીરિયાને અડીને આવેલા ઈરાકે સુરક્ષા વ્યવસ્થા સઘન બનાવી છે.

સીરિયન સૈન્ય આઈડીએફનું કહેવું છે કે તેમણે છેલ્લા ૪૮ કલાકમાં સીરિયામાં ૪૮૦થી વધુ હુમલા કર્યા છે. સીરિયાનાં ઘણાં શહેરોમાં હથિયારોના ડેપો અને એન્ટી એરક્રાફ્ટ બેટરીના પ્રોડક્શન સાઈટ પર તાબડતોડ હુમલા કરવામાં આવ્યા છે.

ઇઝરાયલની સેના આઈડીએફનું કહેવું છે કે અમારી વાયુસેનાએ સીરિયાના વ્યૂહાત્મક હથિયારોનાં ભંડારણ પર ૩૫૦ હુમલા કર્યા છે. દમાસ્કસ, હોમ્સ, ટાર્ટસ, લટાકિયા અને પલ્માયરામાં એન્ટી એરક્રાફ્ટ બેટરી, મિસાઈલ, ડ્રોન, ફાઈટર જેટ અને ટેન્કનો મોટા પાયે નાશ કરવામાં આવ્યો હતો. આ સાથે ગ્રાઉન્ડ ઓપરેશન હેઠળ વધારાની ૧૩૦ એરસ્ટ્રાઈક કરી છે.