"சுமந்திரனின் ஆலோசனையில் ரணில் ஒத்திவைத்தார்”

தேர்தல்களை ஒத்திவைப்பதில் ஜனாதிபதி ரணில் கெட்டிக்காரர்.

- கனகராசா சரவணன்

தமிழ் தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரனின் ஆலோசனையின் பேரிலேயே 2015 மாகாணசபை தேர்தல் சட்டமூலம் பாராளுமன்றத்துக்கு கொண்டுவரப்பட்டு,

தேர்தல் நடைபெறாமல் செய்யப்பட்டது எனத் தெரிவித்த பாராளுமன்ற உறுப்பினர் கோவிந்தன் கருணாகரன், அன்றிலிருந்து இன்று வரை பல தேர்தல்கள் ஒத்திவைக்கப்பட்டுள்ளன என்றார். மட்டக்களப்பு வாவிக்கரையிலுள்ள கோவிந்தன் கருணாகரன் எம்.பியின் காரியாலயத்தில் சனிக்கிழமை (01) இடம்பெற்ற ஊடக சந்திப்பிலேயே அவர் மேற்கண்டவாறு தெரிவித்தார். ஜனாதிபதி பொது வேட்பாளர் என்கின்ற விடயம் தமிழ் தேசிய பரப்பிலே இருக்கும் அனைவராலும் கொள்கை ரீதியாக முதலாவதாக ஏற்றுக் கொள்ள வேண்டும் அதற்கு பின்புதான் வேட்பாளர் யார் எந்த பிரதேசத்தைச் சேர்ந்தவர் என தீர்மானிக்க வேண்டும். யாழ். பல்கலைக்கழக மாணவர் ஒன்றியம், பொது வேட்பாளர் கிழக்கில் இருந்து தெரிவு செய்யப்பட வேண்டும் என்கின்ற அவர்களுடைய எண்ணக்கருவை வெளியிட்டுள்ளனர் அதற்கு சில அரசியல் காரணங்களும் இருக்கலாம்.