சஜித் "ராஜபக்ஷக்ஷ்” ஆகிவிட்டது

ஜனாதிபதி ரணில் விக்கிரமசிங்கவின் வெற்றிக்காக கம்பஹா மாவட்டத்தில் உள்ள அனைத்து தொகுதிளையும் உள்ளடக்கிய வகையில் ஜனாதிபதி தேர்தல் கூட்டு நடவடிக்கை குழுக்கள் நியமிக்கப்படவுள்ளன.

அமைச்சர் பிரசன்ன ரணதுங்க மற்றும் கம்பஹா மாவட்ட பாராளுமன்ற உறுப்பினர்களின் தலைமையில் சனிக்கிழமையும் (10) ஞாயிற்றுக்கிழமையும் (11) இந்தக் குழுக்கள் நியமிக்கப்பட்டன. இந்தக் குழுக்களை ஸ்தாபிப்பதில், ஸ்ரீலங்கா பொதுஜன பெரமுன, ஐக்கிய தேசியக் கட்சி, ஸ்ரீலங்கா சுதந்திரக் கட்சி, பொதுஜன ஐக்கிய முன்னணி, ஐக்கிய மக்கள் சக்தி உள்ளிட்ட ஜனாதிபதிக்கு ஆதரவான அனைத்துக் கட்சிகளின் பிரதிநிதிகளும் இந்தக் கூட்டமைப்பில் உள்ளடங்குகின்றது.

வீடு வீடாகச் செல்லுதல், வாக்கெடுப்பு நிலையங்களில் முகவர்களை நியமித்தல், ஜனாதிபதி ரணில் விக்கிரமசிங்கவின் ஜனாதிபதித் தேர்தல் பிரசாரங்களை ஒழுங்கமைத்தல், சம்பந்தப்பட்ட தொகுதி மட்டத்தில் ஒழுங்கமைத்தல் மற்றும் வழிநடத்துதல் ஆகியன இந்தத் தொகுதிகளின் கூட்டுக் குழுக்களிடம் ஒப்படைக்கப்பட்டுள்ளன.

ஜனாதிபதிக்கு ஆதரவான கம்பஹா மாவட்ட பிரதிநிதிகளை உள்ளடக்கிய கம்பஹா மாவட்ட ஜனாதிபதி தேர்தல் கூட்டு வழிநடத்தல் குழுவின் நியமனம் கடந்த வியாழக்கிழமை (08) இடம்பெற்றது.

கம்பஹா மாவட்ட மொட்டு கட்சி அமைச்சர் பிரசன்ன ரணதுங்க தலைமையில் நடைபெற்றது.

ஸ்ரீலங்கா சுதந்திரக் கட்சியின் கம்பஹா மாவட்டத் தலைவர் லசந்த அழகியவன்ன, ஐக்கிய தேசியக் கட்சியின் கம்பஹா மாவட்டத் தலைவர் ருவான் விஜேவர்தன உள்ளிட்ட கம்பஹா மாவட்டத்தைப் பிரதிநிதித்துவப்படுத்தும் அனைத்து அரசியல் கட்சிகளின் மாவட்டத் தலைவர்களும் இந்தக் கூட்டத்தில் கலந்துகொண்டனர்.