மன்னார் நீதிமன்றம் மீதான தாக்குதல்: I2 வருடங்களின் பின் 4 நபர்கள் குற்றவாளிகளாக அடையாளம்

மன்னார் நீதவான் நீதிமன்றத்தின் மீது 2012ஆம் ஆண்டு தாக்குதல் நடத்தப்பட்டமை தொடர்பான வழக்கின் தீர்ப்பை வழங்குவதற்காக வியாழக்கிழமை(29) மன்னார் மேல் நீதிமன்றத்தில் எடுத்துக் கொள்ளப்பட்ட போது 52 சந்தேக நபர்களில் 4 சந்தேக நபர்கள் குற்றவாளிகளாக அடையாளம் காணப்பட்டனர். b

- ரொசேறியன் லெம்பேட்

ஏனைய 48 சந்தேக நபர்களும் விடுவிக்கப்பட்டுள்ளனர்.

கடந்த 12 வருடங்களாக நடைபெற்று தற்போது விசாரணைகள் யாவும் நிறைவடைந்த நிலையில், தீர்ப்புக்காக வியாழக்கிழமை (29 ) திகதியிடப்பட்டது,.

குறித்த வழக்கின் வழக்கு தொடுநர் தரப்பிலான சாட்சியங்கள் யாவும் இந்த ஆண்டு மார்ச் மாதம் முடிவடைந்து எதிர்த் தரப்பு சாட்சியங்களுக்காக ஏற்கனவே தவணை வழங்கப்பட்டது.

இந்த நிலையில் மன்னார் மேல் நீதிமன்றத்தில் வியாழக்கிழமை(29) வழக்கு எடுத்துக் கொள்ளப்பட்டது.

இதன் போது குறித்த 52 சந்தேக நபர்களில் 4 சந்தேக நபர்கள் குற்றவாளிகளாக அடையாளம் காணப்பட்டுள்ள நிலையில் ஏனைய 48 சந்தேக நபர்களும் விடுவிக்கப்பட்டனர்.