"வரிகளை எம்மால் குறைக்க முடியும்"

புதிய இராஜதந்திர உறவுகளைப் பேண முடியுமான அவருக்கு இருந்த இரண்டு சந்தர்ப்பங்களை தற்போதைய ஜனாதிபதி தவறி விட்டார் என்று தெரிவித்துள்ள ஐக்கிய மக்கள் சக்தியின் தலைவர் சஜித் பிரேமதாச, சர்வதேச நாணய நிதியத்துடன் பேச்சுவார்த்தை நடத்தி, ஜனாதிபதி அனுரகுமார திசாநாயக்கவினால், வரிகளைக் குறைக்க முடியாவிடின், எங்களால் வரிகளைக் குறைக்க முடியும் என்றார்.

எதிர்வரும் பொதுத் தேர்தலில் ஐக்கிய மக்கள் சக்தி உறுதியான வெற்றியைப் பெறும்.

மக்கள் விடுதலை முன்னணியின் தலைவர் அனுரகுமார திசாநாயக்க தான் ஆட்சிக்கு வந்தால் வரிச் சூத்திரத்தை மாற்றுவேன், பெறுமதி சேர் வரி (வற்), நேரடி மற்றும் மறைமுக வரிகளைக் குறைப்பேன்.

என்றாலும், சர்வதேச நாணய நிதியத்துடன் ஜனாதிபதி இரண்டு சுற்றுப் பேச்சுவார்த்தைகளை நடத்திய போதிலும், அந்த வரிகளைக் குறைப்பதில் உடன்பாடு காணப்படவில்லை என்று சர்வதேச நாணய நிதியம் தெரிவித்துள்ளது.

தேர்தலின் போது, வரியைக் குறைப்பதாகச் சொன்னாலும், ஆட்சிக்கு வந்த பிறகு அதனை உரியவாறு அவரால் செய்ய முடியாது போயுள்ளதாகவும் சஜித் பிரேமதாச தெரிவித்தார்.