"புதிய மாற்றத்துக்கு விட்டுக்கொடுக்க தயார்”

நாட்டில் நடைபெற்று முடிவடைந்த பாராளுமன்ற தேர்தலின் பின்பு, மலையகத்தின் பல கட்சிகளிலும் பல மாற்றங்கள் ஏற்படுவதற்கான சந்தர்ப்பம் ஏற்பட்டுள்ளது.

இது தொடர்பாக இலங்கை தொழிலாளர் காங்கிரஸ், தொழிலாளர் தேசிய சங்கம் என்பன வெளிப்படையாக அறிவித்துள்ள நிலையில், மலையக மக்கள் முன்னணியின் முக்கியஸ்தர்களின் கலந்துரையாடல் கூட்டம் தலவாக்கலையில் அண்மையில் நடைபெற்றுள்ளது.

இந்த கூட்டத்தில் மலையக மக்கள் முன்னணியின் எதிர்கால நடவடிக்கைகள் எதிர்வரும் வருடங்களில் நடைபெறவுள்ள உள்ளூராட்சி மன்றத் தேர்தல்கள், மாகாண சபை தேர்தல் ஆகியவற்றை எவ்வாறு எதிர்கொள்வது என்பது தொடர்பாக இந்த விரிவாக கலந்துரையாடப்பட்டுள்ளது.

இதன்போது கலந்து கொண்ட முக்கியஸ்தர்கள், எதிர்வரும் தேர்தல்கள் அனைத்திலும் மலையக மக்கள் முன்னணி தனித்துப் போட்டியிட வேண்டும் என்ற கருத்தை முன்வைத்துள்ளனர்.