வடக்கையும் தெற்கையும் குழப்பும் முயற்சியா?

மா வீரர் தினத்தை அனுஷ்டித்ததாகப் பொய் பிரசாரங்களையும் போலி தகவல்களையும் சமூகவலைத்தளங்களில் பதிவேற்றி, வடக்கையும் தெற்கையும் குழப்பி இனவாத யுத்தத்தை மீண்டும் ஏற்படுத்தவா இவ்வாறு செய்கிறார்கள்? என கேள்வி எழுப்பிய நீதி மற்றும் தேசிய ஒருமைப்பாடு அமைச்சர் ஹர்ஷன நாணயக்கா, பயங்கரவாத தடைச் சட்டம் நீக்கப்பட வேண்டும் என்பதை நாங்கள் ஏற்றுக்கொள்கிறோம் என்றார்.

சர்வதேச சட்ட திட்டங்களுக்கு அமைவாக பயங்கரவாத எதிர்ப்பு சட்டம் ஒன்றை உருவாக்க வேண்டும். அதனால் இந்த சட்டத்தைத் தயாரித்து அமுலாக்கும்வரை வரை நாட்டில் இனவாதம், மதவாதம் தலைதூக்கும்போது அதனை அடக்குவதற்கு தற்போதுள்ள பயங்கரவாத சட்டத்தின் பிரகாரமே நடவடிக்கை எடுக்க வேண்டியுள்ளது என்றார்.