"அரசாங்கத்தை வீழ்த்துவதோ எதிர்ப்பதோ நோக்கம் அல்ல"

இந்த நாட்டில் தமிழ் மக்களுக்கும் சம உரிமையுள்ளது. எனவே, அந்த சம உரிமைகள் தேசிய மக்கள் சக்தி அரசினால் உருவாக்கப்படவுள்ள புதிய அரசியலமைப்பில் உறுதிப்படுத்தப்பட வேண்டும் என வலியுறுத்திய இலங்கை தமிழரசுக் கட்சியின் மட்டக்களப்பு மாவட்ட எம்.பியான இரா.சாணக்கியன், இந்த அரசை வீழ்த்துவதோ எதிர்ப்பதோ எமது நோக்கம் அல்ல.

அரசின் முற்போக்கான நடவடிக்கைளுக்காகக் காத்திருக்கின்றோம் எனவும் கூறினார்.

பாராளுமன்றத்தில்செவ்வாய்க்கிழமை (17) இடம்பெற்றஜனா திபதியின்கொள்கை விளக்க உரைமீதான இரண்டாம்நாள்விவாதத்தில் உரையாற்று கையிலேயே இவ்வாறுதெரிவித்த அவர்மே ற்கண்டவாறு குறிப்பிட்டார்.

அவர் மேலும்உரையாற்றுகையில், தேசிய மக்கள் சக்திக்கு எவ்வாறு நாடு முழுவதும் மக்கள் ஆணை கிடைத்ததோ அதேபோன்று வடக்கு கிழக்கில் தமிழரசுக் கட்சிக்கே மக்கள் ஆணை கிடைத்துள்ளது.

அத்துடன் அநுர சுனாமியை எமது மட்டக்களப்பு மாவட்டம் மட்டமே தைரியமாக எதிர்த்து நின்றது.

அதனால்தான் அங்கு நாம் வரலாற்று வெற்றியைப்பெற்றோம்.

தமிழ் மக்களைப் பொறுத்தவரையில், தீர்க்கப்படாத பல பிரச்சினைகள் உள்ளன.

பயங்கரவாத தடைச் சட்டத்தின் கீழ், கைது செய்யப்பட் ட அரசியல் கைதிகள் இன்னும் விடுவிக்கப்படவில்லை.