சொந்த கிராமத்துக்கு ரூ.100 கோடி; தொழிலதிபரைக் கடவுள்போல் பார்க்கும் மக்கள்

குஜராத் மாநிலத்தைச் சேர்ந்த மகேந்திரா மேக் படேல் என்ற தொழிலதிபரை கிராம மக்கள் பலரும் கடவுள்போல் பார்க்கின்றனர்.

இதற்குக் காரணம், அவரது கொடை வள்ளல் குணம்தான் எனக் குறிப்பிட்டுள்ளன ஊடகத் தகவல்கள்.

குஜராத்தின் நிஸ்ரயா கிராமத்தில் பிறந்தவர் மகேந்திரா மேக் படேல், 86. டெக்சாஸ் பல்கலைக் கழகத்தில், செயற்கை நுண்ணறிவியல் தொழில்நுட்பத்தில் முதுகலைப் பட்டம் பெற்ற இவர், அமெரிக்காவில் தொழில் நிறுவனம் நடத்தி வருகிறார்.