‘સપ્લાય ચેઇન’ ખોટકાતા ઇન્ડિગોના 30 વિમાન ઠપ

મુશ્કેલી પાર્ટ્સ મળતા નથીઃ સ્ટાફ સાથે વિમાનો લીઝ પર લેવા એરલાઇનની વિચારણા

ઇન્ડિગોએ સોમવારે જણાવ્યું હતું કે, ‘સપ્લાય ચેઇન’ની સમસ્યાને કારણે એરલાઇન્સના ૩૦ વિમાન ઉડાન ભરી શકતા નથી. વિમાનોના મેન્ટેનન્સ અને રિપેરિંગ માટેના પાર્ટ્સ ઉપલબ્ધ નહીં હોવાને કારણે અન્ય એરલાઇન્સને પણ આ સમસ્યા નડી રહી છે.

દેશની સૌથી મોટી એરલાઇન ઇન્ડિગો કેટલાક વિમાન સ્ટાફ સાથે લીઝ પર લેવાના તેમજ કામગીરીને વેગ આપવા માટે અન્ય વિકલ્પો પણ વિચારી રહી છે. સપ્ટેમ્બરમાં ઇન્ડિગોના કાફલામાં ૨૭૯ વિમાન હતા. તે રોજ ૧,૬૦૦થી ફ્લાઇટ્સનું સંચાલન કરે છે અને તેની ફ્લાઇટ્સ ૨૬ આંતરરાષ્ટ્રીય સ્થળો સહિત કુલ ૧૦૦ સ્થળ માટે ઉડાન ભરે છે.