વિદ્યાસહાયકની સામાન્ય ભરતી માટે કામચલાઉ મેરિટ યાદી જાહેર કરાઈ

સામાન્ય ભરતી માટે 1924 જગ્યા માટે 26 હજાર અરજી આવી હતી કામચલાઉ મેરિટ યાદીમાં ક્ષતિ હોય ક્ષ તો 16મી સુધીમાં પુરાવા સાથે અરજી આપવાની રહેશે

રાજ્યની પ્રાથમિક શાળાઓમાં ધો.1થી 5 અને ધો.6થી 8માં સામાન્ય ભરતીથી વિદ્યાસહાયક બનવા માંગતા 26 હજાર ઉમેદવારોની કામચલાઉ મેરિટ યાદી મંગળવારે જાહેર કરાઈ છે. રાજ્યમાં સામાન્ય ભરતીની 1924 જગ્યા માટે કાર્યવાહી હાથ ધરાઈ હતી. દરમિયાન મંગળવારે બપોરે કામચલાઉ મેરિટ યાદી જાહેર કરી દેવાઈ છે અને યાદીમાં કોઈ ક્ષતિ હોય તો 15 ડિસેમ્બર સુધીમાં પ્રિન્ટ લઈ 16 ડિસેમ્બર સુધીમાં સ્વીકાર કેન્દ્ર પર આધાર પુરાવા સાથે રજૂ કરવા માટે જણાવાયું છે.