રાજકોટમાં ન્યુ યરમાં નવાં પ્રિપેઈડસ્માર્ટ વીજમીટર લગાવવાનું થશે શરૂ

લેબોરેટરીમાં ટેસ્ટિંગ પછી કરાશે ઈન્સ્ટોલેશન

રાજકોટના કેટલાંક વિસ્તારોમાં નવા વર્ષથી સ્માર્ટ પ્રિપેઇડ મીટર લાગવા માંડશે. તેની તૈયારીને આખરી ઓપ આપવામાં આવી રહ્યો છે.

આ અંગે સૂત્રોએ કહ્યું કે રાજ્યભરમાં વર્તમાન વીજમીટરના સ્થાને સ્માર્ટ મીટર લગાવવાનો પ્રોજેક્ટ છે. પીજીવીસીએલમાં પાયલોટ પ્રોજેક્ટ તરીકે રાજકોટની પસંદગી થઇ છે. મહિલા કોલેજ સબ ડીવીઝન હેઠળના વિસ્તારોમાં સૌ પ્રથમ આ વીજ મીટરો લગાવવામાં આવનાર છે. સ્માર્ટ વીજ મીટરની સપ્લાય શરુ થઇ ગઇ છે અને 3000 વીજમીટર આવી ગયા છે તેનું લેબ ટેસ્ટીંગ હાથ ધરવામાં આવ્યું છે.