ચાંદખેડાના યુવકના અપહરણ બાદ હત્યા કરી કેનાલમાં ફેંકનારા બે હત્યારા પકડાયા

બંને આરોપી સંબંધીને ત્યાં આશરો લેવા ગયા હતા, પરંતુ કોઈએ સંઘર્યા નહીં બહેન સાથે વાત કરવાની અદાવતમાં ઘટનાને અંજામ અપાયો હોવાનું ખૂલ્યું

અમદાવાદનાં સાબરમતી પોલીસ સ્ટેશન વિસ્તારમાં થોડા દિવસો પહેલા જ એક ઘટના બની હતી. જેમાં એક યુવકનું અપહરણ કરીને તેને કેનાલમાં ફેંકી દઇ હત્યા કરાઇ હતી. જે કેસમાં પોલીસે તપાસ કરતા મૃતકને આરોપીની બહેન સાથે પ્રેમ સંબંધ હોવાનું સામે આવ્યું હતું ત્યારે આ જ પ્રકારની વધુ એક ઘટના ચાંદખેડા પોલીસ સ્ટેશન વિસ્તારમાં બની છે. જેમાં 19 વર્ષીય યુવકનું અપહરણ કરી અડાલજ કેનાલમાં ફેંકી હત્યા કરનાર બે આરોપીઓની પોલીસે ધરપકડ કરી છે.