શહેરમાં હવે નશા માટે કેમિકલવાળી જીવલેણ તાડીનું થતું ધૂમ વેચાણ

પીસીબીની ટીમે કેમિકલયુક્ત તાડીનો મોટો જથ્થો ઝડપી લીધો

અમદાવાદમાં હવે દેશી દારૂના બદલે તાડીમાં જીવલેણ કેમિકલ ભેળવી ને નશા માટે પીણું તૈયાર કરવામાં આવી રહ્યું છે. આ જીવલેણ તાડીનો વેપલો કરતા બે મોતના સોદાગરો સામે અમદાવાદ પીસીબીએ ગુનો નોંધી તપાસ શરૂ કરી છે. મોતના સામાનનો મોટો જથ્થો પણ કબજે લીધો છે. પોલીસે નારોલમાંથી તાડી અને કેમિકલનો જે જથ્થો કબજે લીધો છે તે જોતાં તાડીમાં થોડું વધારે કેમિકલ ઉમેરાય તો તે મોતનો સામાન બની જાય છે. અગાઉ રામોલમાં પણ કેમિકલનો જથ્થો મળી આવ્યો હતો.