PM મોદી 10 વર્ષમાં લોકોને શું મળ્યું તે કહેવાને બદલે ભડકાઉ ભાષણ કરે છેઃ ખડગે

મોંઘવારી, બેરોજગારી જેવા મુખ્ય મુદ્દા અને પોતાના ચૂંટણી ઢંઢેરા અંગે ભાજપ વાત કરતો નથી નારી સુરક્ષાની મોટી વાતો કરતો ભાજપ મહિલા વિશે અશોભનીય ઉચ્ચારણો કરનારા રૂપાલાને સમર્થન આપે છે

વડાપ્રધાન નરેન્દ્ર મોદી લોકોને ૧૦ વર્ષમાં શું મળ્યું તેની વાત કરવાને બદલે ખોટા અને ભડકાઉ ભાષણ કરી રહ્યા હોવાનો આક્ષેપ કરતા કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ જણાવ્યું છે કે, ગુજરાત ની જનતા કોંગ્રેસની તરફેણમાં મતદાન કરશે તેની પ્રતીતિ ભાજપને થઈ ગઈ હોવાથી ભાજપના રાષ્ટ્રીય નેતાઓ ગુજરાતના વોર્ડ વોર્ડમાં ફરી રહ્યા છે. ગુજરાતમાં ભાજપના ૨૭ વર્ષના શાસન પછી વડાપ્રધાન, ગૃહમંત્રી અને ચાર-પાંચ મુખ્યમંત્રીઓ ગુજરાતમાં આવીને ભડકાઉ ભાષણ કરીને લોકોને ગુમરાહ કરી રહ્યા હોવાનું તેમણે જણાવ્યું છે.