બિહારના મોતિહારીમાં પુલ ધરાશાયી થયો અઠવાડિયામાં ત્રીજી ઘટનાથી ખળભળાટ

મુખ્યમંત્રી નીતિશકુમારના સુશાસન પર સવાલો ઊભા કરાયા

બિહારમાં પુલ ધરાશાયી થવાની ઘટનાઓ સામાન્ય બની રહી છે. એક પછી એક પુલ ધરાશાયી થવાથી તેને બનાવનારાઓની વિશ્વસનીયતા પર સવાલો ઉભા થઈ રહ્યા છે. ત્યારે હવે શનિવારે રાત્રે મોતિહારી જિલ્લાના ઘોરસાહન બ્લોકના અમવાથી ચૈનપુર સ્ટેશન તરફ જતા રસ્તા પર બનેલો લગભગ 45 ફૂટ લાંબો પુલ તૂટી પડ્યો હતો. આ ત્રીજો પુલ છે જે એક અઠવાડિયામાં તૂટી પડ્યો છે.