జగన్ పాలనలో దగాపడ్డ రైతు

పవన్ కల్యాణ్కు విశాఖ వెళ్లే హక్కు లేదా? ప్రభుత్వ అక్రమ కేసులకు భయపడేది లేదు పల్నాడు జిల్లా పర్యటనలో చంద్రబాబు

పవన్ కల్యాణ్కు విశాఖ వెళ్లే హక్కు లేదా? 

ప్రభుత్వ అక్రమ కేసులకు భయపడేది లేదు

పల్నాడు జిల్లా పర్యటనలో చంద్రబాబు

నాదెండ్ల (పల్నాడుజిల్లా), అక్టోబరు 19, ప్రభాతవార్త: ముఖ్యమంత్రి జగన్మోహన్ రెడ్డికి ప్రతిపక్షాలు, విమర్శించేవారిపై కేసులు పెట్టే శ్రద్ధరాష్ట్రంలో అన్ని విధాలా నష్టపోయిన రైతులను ఆదుకోవటంలో లేదని టిడిపి జాతీయ అధ్యక్షుడు నారా చంద్రబాబునాయుడు అన్నారు. బుధవారం చిలకలూరిపేట నియోజకవర్గంలోని నాదెండ్ల మండలంలో ఇటీవలకురుస్తున్న బారీవర్షాలకు దెబ్బతిన్న పత్తిపంటను, మిరపపంటను పరిశీలించారు. ఈ ఈ సందర్భంగా తిమ్మాపురం జాతీయ రహదారివద్ద చంద్రబాబునాయుడికి మాజీమంత్రి ప్రత్తిపాటి ఆధ్వర్యంలో పార్టీ నాయకులు క్రేన్ సహాయంతో భారీ గజమాలను వేసారు. అనంతరం నియోజకవర్గానికి చెందిన పార్టీ మహిళలు చంద్రబాబుకు హారతులు ఇచ్చి స్వాగతం పలికారు. అక్కడ నుంచి నాదెండ్ల గ్రామానికి వేలాదిమంది పార్టీనాయకులు, కార్య కర్తలు, అభిమానులతో భారీ ప్రదర్శనగా వెళ్లారు.నాదెండ్ల గ్రామంలో పాల్గొన్న రైతులు, మహిళలు,పార్టీ కార్యకర్తలను ఉద్దేశించి చంద్రబాబు ప్రసం గిస్తూ భారీ వర్షాలకు రైతులు వేసిన పంటలు తీవ్రంగా దెబ్బతిన్నాయని, వాటిని ఇప్పుడే పరిశీలించి వచ్చానని, ఆ రైతులకు ప్రభుత్వం నష్టపరిహారం ఇచ్చే వరకు వారి తరుపున తెలుగు దేశం పార్టీ అండగా ఉండి పోరాటం చేస్తుందని చంద్రబాబు తెలిపారు.

జగన్ పాలనలో దగాపడ్డ రైతు