మంచి తలపుకి మంచి మార్గం

మంచి తలపుకి మంచి మార్గం

- - కంచనపల్లి వేంకట కృష్ణారావు

నేనో ప్రభుత్వ పాఠశాల ఉపాధ్యా యుడిని. నన్ను ట్రాన్స్ ఫర్ మీద వేరే ఊరికి పంపడానికి ప్రభుత్వం నిశ్చయిం చింది. తప్పదు కదా, ఉద్యోగ ధర్మం అది. గుడ్డిలో మెల్లగా నన్ను ఇరవై కి.మీ. దూరంలో ఉన్న సుంకేశుల పాఠశాలకు ట్రాన్స్ ఫర్ చేశారు. అది గ్రామానికి ఒకటిన్నర కి.మీ. దూరంలో ఊరి బయట ఉంటుంది. ప్రతి దినం ముగ్గురు టీచర్లం బస్సులోనో మా టూ వీలర్ల మీదనో మానుండి సుంకేశుల వెళ్లి ఉద్యోగం చెయ్యాలి. 

రెండు రోజుల తరువాత నాకు అర్థం అయ్యిందేమిటంటే స్కూల్లో పిల్లలు చాలా బీదవారు. చాలా మంది వ్యవసాయ కూలీల పిల్లలే. వారి బట్టల్లో శుభ్రత కనబడేది కాదు. కాళ్లు మురికి కొట్టుకుని ఉండేవి. చదువుకంటే ముఖ్యంగా వారికి శుభ్రత గురించి.బోధించి వారిలో మార్పు తీసుకురావాలనుకున్నాను.