మైత్రీ పరిమళం

సింగిల్ పేజీ కథ

- - ఎం.ఆర్.వి.సత్యనారాయణ మూర్తి

ఏమిటో, మనసంతా చాలా చిరాకుగా ఉంది. నా కుటుంబం ఇప్పుడున్న ఈ స్థితిలో నేను వాళ్లకి భారం కాకూడదని నిర్ణయం తీసుకున్నాను" గంభీరంగా అన్నాడు వేణు.

అతనికేసి ఆశ్చర్యంగా చూసాడు కిరణ్.

“అంటే ఏం చేద్దామని?” అడిగాడు కిరణ్.

"రేపు తెల్లవారుజామున ఎవరికీ కనిపించకుండా వెళ్లిపోదామనుకుంటున్నాను” గది సీలింగ్కేసి చూస్తూ అన్నాడు వేణు.

“ఎక్కడికో వెళ్లి ఎలా బతుకుదామనుని అనుకుంటున్నావు?" అడిగాడు కిరణ్..

"ఎలాగో బతుకుతాను. రోజూ నా వాళ్ల ఎదురుగా ఉండి, వాళ్లని ఇబ్బంది పెట్టడం నాకు ఇష్టంలేదు" దీర్ఘంగా నిట్టూర్పు విడిచి అన్నాడు వేణు.

“నువ్వు కనిపించకపోతే మీ వాళ్లు విలవిలలాడిపోతారు. నీ కోసం బెంగ పెట్టుకుంటారు. ముఖ్యంగా మీ అమ్మగారి పరిస్థితి దారుణంగా ఉంటుంది. నీ మీదే ఆశలు పెట్టుకుని బతుకుతున్నారు. తల్లిని బాధపెట్టడం మంచిది కాదు" చెప్పాడు కిరణ్.

"నాలుగు రోజులు పోతే వారే సర్దుకుంటారు. అయినా నా మిత్రుడివి, నీవు ఉన్నావుగా, వారి మంచిచెడ్డలు చూడటానికి" అన్నాడు వేణు కిరణ్..చేయి పట్టుకుని.