మూడు బొమ్మలు

అనగనగా ఒక రాజు. ఆయన మేధస్సు అపారం.సాధారణంగా రాజులకు ఏమైనా సందేహాలు వస్తే పెద్దలను, పండితులను పిలిపించి తమకొచ్చిన సందేహాలను చెప్పి వాటికి సమాధానాలు తెలుసుకుంటూ ఉంటారు.

- - యామిజాల జగదీశ్

అనగనగా ఒక రాజు. ఆయన మేధస్సు అపారం.సాధారణంగా రాజులకు ఏమైనా సందేహాలు వస్తే పెద్దలను, పండితులను పిలిపించి తమకొచ్చిన సందేహాలను చెప్పి వాటికి సమాధానాలు తెలుసుకుంటూ ఉంటారు. కానీ ఇక్కడ అలా కాదు. ఇతరులకు సందేహాలు వస్తే రాజు దగ్గరకు వచ్చి తమకు కలిగిన సందేహాలను చెప్పి, వాటికి జవాబులు తెలుసుకునేవారు. అంటే ఆ రాజు ఎంత తెలివైనవాడో అర్థం చేసుకోవచ్చు.

ఓ రోజు ఓ పెద్దాయన రాజు దగ్గరకు వచ్చాడు.

ఆయన చేతిలో మూడు బొమ్మలు ఉన్నాయి.

ఆ మూడు బొమ్మలూ ఒకేలా ఉన్నాయి. చూసీ చూడటంతోనే వాటిలో ఎలాంటి తేడాలు కనిపించవు. అంటే అవి ఒకేలా ఉన్నాయన్నమాట.ఆ పెద్దాయన చేతిలో ఉన్న బొమ్మలను రాజు చూశాడు.

"ఎక్కడివవి?" అని అడిగాడు.

అప్పుడు ఆ పెద్దాయన “నాకు తెలిసిన ఒక వ్యక్తిని మూడు బొమ్మలు తయారు చేసివ్వమని అడిగాను. అతను చాలా తెలివైనవాడు. అతనే ఈ మూడు బొమ్మలను చేశాడు.అవి బాగున్నాయి. కానీ చిక్కేమిటంటే" అని ఆ ఏదో చెప్తుండగా రాజు జోక్యం చేసుకుని "ఏమిటి సమస్య?”.

“నేను అతనిని మూడు రకాల బొమ్మలు అడిగాను.అతనేమో మూడింటినీ ఒకేలా చేసిచ్చాడు” అన్నాడు పెద్దాయన.

"ఏమిటిలా చేసిచ్చావని అతని నుంచి బొమ్మలు తీసుకుంటున్నప్పుడే అడగాల్సింది కదా" అని అన్నాడు రాజు.