అదో వింత దీవి

ఇదేదో హారర్ సినిమా పేరు కాదు. ఇటలీలో ఉన్న ఈ దీవి నిజంగానే దయ్యాల దీవిగా పేరుమోసింది.

ఇదేదో హారర్ సినిమా పేరు కాదు. ఇటలీలో ఉన్న ఈ దీవి నిజంగానే దయ్యాల దీవిగా పేరుమోసింది. దాదాపు అర్థశాతాబ్దంగా ఇక్కడ నరమానవులెవరూ నివాసం ఉండటం లేదు.ఈ దీవిలోని నేల కింద 1.60లక్షలకుపైగా శవాలు సమాధి అయి ఉన్నాయి. ఇటలీ ఉత్తర ప్రాంతంలో వెనిస్-లిడో నగరాల మధ్య ఉన్న ఈ దీవి పేరు పోవెగ్లియా.ప్రత్యేక అనుమతి ఉంటేనే తప్ప ఈ దీవిలో సందర్శకువెరూ అడుగు పెట్టలేదు. ఒకప్పుడు ఈ దీవి మానసిక రోగుల చికిత్స స్థావరంగా ఉండేది. ఇక్కడి మానసిక చికిత్స కేంద్రంలో పనిచేసే ఒక డాక్టర్ రోగులపై క్రూరాతి క్రూరమైన ప్రయోగాలు చేసేవాడు. అప్పట్లో ఇక్కడ మరణించిన రోగులను ఇక్కడే పాతిపెట్టేవారు. ఇక్కడి మానసిక చికిత్స కేంద్రం 1968లో మూతబడిన తర్వాత ఈ దీవి పూర్తిగా ఖాళీ అయిపోయింది. మూతబడిన కొత్తలో కొందరు సాహసికులు ఈ దీవిలోకి వచ్చి అంతా కలియదిగిరి వెళ్లిపోయేవారు.