న్యాయమైన ఆహారం కోసం?

మనం జీవించి వుండాలంటే ఆహారం ఎంతో  అవసరం. ఆహారం సంపాదించాలంటే ఏదైనా వృత్తి చేపట్టాలి. ఏదో ఒక పని చేయాలి. అలా వృత్తిని చేపట్టమని శాస్త్రాలు అనుమతిస్తున్నాయి.అయితే ఆ చేసే పని నింద్యం కారాదు.

- డా॥ పులివర్తి కృష్ణమూర్తి

అవినీతి, అధర్మం, అన్యాయంతో కూడిన పనులు శాస్త్ర సమ్మతం కావు.అది నింద్యమైనది, పాపభూయిష్టం.చేసేవానికి చేటు తెస్తుంది. నరకంలో పడతోస్తుంది. కాబట్టి చెడు పనులను ఎవ్వరూ చేయరాదు, ప్రోత్సహించరాదు.

అక్రమార్జంతో పంచభక్ష్య పరమాన్నం ఆరగించినా అది జీర్ణం కాదు.క్లేశాన్ని కలిగిస్తుంది. న్యాయంగా సంపాదించిన కొద్ది ధనంతోనే అటుకులు తిన్నా కూడా ఆ ఆహారం పటుతరమై తిన్నదానికి శ్రేయాన్ని చేకూరుస్తుంది.ఇక్కడ మహాభారత సమయంలో జరిగిన ఒక సన్నివేశాన్ని గుర్తు తెచ్చుకుందాం.

కురుక్షేత్ర యుద్ధ సమయంలో అర్జునుడి బాణాలచే భీష్మపితామహుడు పడిపోగా, ఆయన విశ్రాంతి తీసుకోవడానికి వీలుగా అంపశయ్య ఏర్పాటు చేశాడు. భీష్మునికి స్వేచ్ఛా మరణం కలిగివుండటం వలన ఆయన ఉత్తరాయనం వరకూ వేచి వుండాలనుకుని ఆ అంపశయ్యపై పడుకొని విశ్రాంతి తీసుకుంటూ వున్నాడు.