పరుల మాటలు

ఒక్కోసారి ఆ మాయలో పడి, అర్థం గాకుండా వుండిపోతారు. మరి ఆ మాయలో పడకుండా వుండాలంటే ఏం చేయాలి?

- డా॥ పులివర్తి కృష్ణమూర్తి

కొన్ని సందర్భాల్లో పరుల మాటలు మనసు నొప్పిస్తాయి. అది ఒక పెద్ద సమస్యగా మారుతుంది. ఒక్కోసారి ఆ మాయలో పడి, అర్థం గాకుండా వుండిపోతారు. మరి ఆ మాయలో పడకుండా వుండాలంటే ఏం చేయాలి?

ఒక ఊళ్లో ఒక వైష్ణవ దేవాలయం వుంది. ఆ దేవాలయంలో అన్ని సేవా కార్యక్రమాలు ఎంతో భక్తితో జరుగుతూ వుంటాయి. ఆ దేవాలయంవారు ఒక ఏనుగును స్వామి ఊరేగింపు కోసం వినియోగించేవారు. ప్రతిరోజూ ఆ ఏనుగు శుభ్రంగా స్నానమాచరించి రోడ్డు పక్కగా నడుచుకుంటూ వస్తుండేది.రోజూ దానికి ఎదురుగా ఒక పంది వస్తుండేది. ఆ పంది బురదలో పొర్లి పొర్లి వస్తుండేది. అయితే అది తన తోకను ఆడిస్తూ వచ్చే పోయేవారి మీద బురద పడేలా నడుస్తూ వచ్చేది. ఏనుగు ఆ పందిని చూసి దూరదూరంగా నడుచుకుంటూ వెల్లేది. ఇలా పక్కకు వెళ్లడం మరో పంది గమనించి, ఎందుకలా ఆ ఏనుగు నిన్ను చూసి పక్క పక్కకు వెళ్తుంది అని అది బురదపందిని. బురదపంది.ఒక్కసారి ఆగి, గర్వంగా చూస్తూ “చూసావా నా తడాఖా మరి. అంత పెద్ద ఏనుగు నాకు భయపడి పక్కకు తప్పుకుంటోంది" అంది. ఇలా తన గొప్పతనంగా అందరికీ చెప్తూ వుండేది.

అయితే ఒక రోజు ఒక పిల్లఏనుగు దాని మాటలు వినడం జరిగింది. దానికి కించిత్ ఆశ్చర్యం వేసింది. వెంటనే ఊరేగింపు ఏనుగు వద్దకు వెళ్లి అడిగింది. “ఆ పందిని చూసి నువ్వు నిజంగానే భయపడుతున్నావా?" అని.