దాహం దాహం

ఈ ప్రపంచాన్ని భవిష్యత్తులో శాసించేది ధనం కాదు 'జలం'. జలం లేని జనజీవితాలు అల్లకల్లోలమై అలమటించక తప్పదు

- సుంకవల్లి సత్తిరాజు

ఇప్పటివరకు ఈ సువిశాల ప్రపంచంలో రాజ్యాధికారం కోసం, సామ్రాజ్యవిస్తరణ కోసం, పంతాలు పట్టింపుల కోసం, తమ పరాక్రమాన్ని ప్రదర్శించడం కోసం, తమ దేశం గొప్పదనాన్ని చాటిచెప్పడం కోసం వీరత్వాన్ని ప్రదర్శించి, తమకున్న దేశభక్తిని చాటుకోవడానికి ఎన్నో యుద్ధాలు జరిగాయి జరుగుతున్నాయి.మహాసంగ్రామాల మారణహోమంలో కోట్లాదిమంది అమాయకులు శలభాల్లా మాడిపోయారు. మారణాయుధాల తాకిడికి ఆకాశహర్మ్యాలు పేకమేడల్లా కూలిపోయాయి.