వ్రతం

సింగిల్ పేజీ కథ 

- ఓట్ర  ప్రకాశరావు

ఐటీ ఉద్యోగంలో చేరాక ఎప్పుడెప్పుడు శని, ఆదివారాలు  వస్తాయా... ఆ రెండు వారాలు హాయిగా నిదుర పోదామా.. అని అనుకొంటూ వుంటాను. విదేశీ సమయం అంటూ సాయంత్రం కంప్యూటర్ ముందు కూర్చుంటే సూరీడు రావడానికి ముందు కంప్యూటర్ ఆఫ్ చేసి పడుకొనే జీవితమయ్యింది.

శని, ఆదివారాలు నా జీవితానికి కాస్త విశ్రాంతి కలిగిస్తాయి. శనివారం ఐదు గంటలకు కంప్యూటర్ ఆఫ్ చేసి మంచంపై పడుకోవడానికి వెళ్తుంటే "ఏమండీ ఈరోజు అక్కయ్య ఇంటికి వెళ్లాలి. వ్రతం చేస్తోంది" సంతోషంగా అంది.

"అదేమిటే! నాకు దొరికే ఆ రెండు రోజులు హాయిగా పడుకొంటాననీ నీకు తెలుసుగా, శుక్రవారం వ్రతం అంటే పరవాలేదు. ఇప్పుడేమి శనివారం వ్రతం..” అడిగాను.

“నేనూ అదే మాట అడిగాను.నిన్న సాయంత్రం జరిగిన సంఘటన మీ అక్కయ్య మనసును గాయపరిచిందట. మనసులోని భారాన్ని తగ్గించుకోవడానికి ఏరోజు అయితే ఏమంటూ సమాధానమిచ్చింది" అంది.

"ఇంతకూ ఏం జరిగింది?"..

అడిగితే “అదంతా ఫోనులో ఎందుకు? నేరుగా చెబుతాను. నీవు మా తమ్ముడితో కలిసి రా.. అంటూ అక్కయ్య ఫోన్ పెట్టేసింది" “ఈరోజు మధ్యాహ్నం వరకు ద్ర పోలేను. వ్రతం పూర్తి కాగానే భోజనం ముగించుకొని ఇంటికి వచ్చి పడుకోవాలి" అన్నాను నిరుత్సాహంగా.

మా అక్కయ్య సామాన్యంగా వున్నట్లుండి వ్రతం అంటూ చేయదు.